Link açıqlığı

Saatnıñ esas haberi

Riza Şevkiyev: akimiyetniñ «Qırım» Fonduna» olğan iddiaları uydurıldı, bizler mahkemeleşmege azırmız


Фонд «Крым» хотят уничтожить – Шевкиев
Bekleñiz, lütfen

No media source currently available

0:00 0:01:19 0:00

«Qırım» Fondu» hayriye teşkilâtınıñ reisi Riza Şevkiyev emin ki, Qırım akimiyeti teşkilâtnı yoq etip, onıñ mal-mülkini alacaq ola. Medeniy miras qoruv «Devlet komiteti» Fondğa memuriy bozuvlar içün 5 million rublelik para cezasını belgeleycek ola. Teşkilât reberligi bunı uydurılğan bir şey olaraq tanıp, kendi aqlığını mahkemede isbatlaycaq ola.

Bu aqqında Şevkiye Qırım.Aqiqatqa bildirdi.

Riza Şevkiyevniñ bildirgenine köre, akimiyet aydınlatqan iddialar içün böyle ciddiy bir ceza olmamalı, mında yalıñız tenbiye yeterli olur edi.

Qırımnıñ medeniy miras qoruv «Devlet komiteti» tizgen memuriy protokolğa binaen, «Qırım» Fondu» hayriye teşkilâtınıñ reisi Riza Şevkiyev KoAP RF 7.13 1 maddesine köre (Rusiye Federatsiyası halqlarınıñ medeniy miras obyektleriniñ devlet imayesi ve qullanuv talaplarını bozuv) memuriy cinayet yaptı.

Bu maddege köre, teşkilât reisi 400 biñ rublelik para cezasını ala bile, «Qırım» Fondu» ise – 5 million rublelik.

Bundan ğayrı, sentâbr ayında, Aqmescit Merkeziy rayon mahkemesi «Qırım» Fondunı yedi adres bönüca yerleşken mal-mülkini, şu cümleden Şmidta soqağındaki Meclis binasını qullanmağa yasaq etti, bank esaplarını qapattı ve yañı esaplarnı açmağa yasaq etti.

Mahkeme qararına binaen, «Qırım» Fondu» Hayriye teşkilâtı «çetel adamı» Mustafa Cemilevni teşkilât tesisçileri erkânından çıqarmaq kerek.

Uquq qorçalayıcılarnıñ zanınca, böyle etip yerli akimiyet Qırımtatar Milliy Meclisini yoq etecek ola.

XS
SM
MD
LG