Link açıqlığı

Ukraina Prezidenti qırımtatar halqınıñ işleri boyunca vekâletli insan aqqında qararnı tasdiqladı


Ukraina prezidenti Petro Poroşenko Ukraina prezidentiniñ qırımtatar halqı işleri boyunca vekâletli insan aqqında qararnı imzaladı. Mütenasip qarar bazarertesi künü, noyabr 3-de, devlet başı saytında aşkâr etildi.

Vesiqağa binayen, işbu vazifeni eda etken insan Prezident tarafından Ukrainanıñ tamır halqı olğan qırımtatarlarnıñ anayasa aqlarınıñ yerine ketirilmesini temin etmeli.

Malüm ki, vazifelerden birisi – Ukrainada qırımtatarlarnıñ anayasa aqlarınıñ yerine ketirüv nezaretidir.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Qırım işğaline qarşı çıqqan qırımtatarlarğa nisbeten basım alâ daa etilmekte.

Evel Human Rights Watch işğal etilgen Qırımda insanlarnıñ ğayıp oluvı boyunca öz qasevetini bildirgen edi.

XS
SM
MD
LG