Link açıqlığı

Aqmescitte yollarğa 142 million ruble masraf etmege söz bereler


İşğal etilgen Aqmescitte bu sene soñunda yol tamirine 142 mln. ruble ayıracaqlar. Bunı bazarertesi künü, noyabr 3-de, «memuriyet başı» vazifelerini eda etken Gennadiy Baharev bildirdi, – dep haber ete Qırımnıñ öz başına tayin etilgen akimiyetine yaqın olğan Krıminform saytı.

Onıñ sözlerine köre, bu paranıñ büyük bir qısmı Ğalebe caddesiniñ kenişlevi boyunca leyhanıñ bitirilmesine ketecek.

«74 mln ruble Ğalebe caddesiniñ tamirlevine ve 68 mln – diger işlerge ayırılacaq», – dedi o.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG