Link açıqlığı

Rusiye Qara deñiz ve Keriç boğazı üzerinde ava istihbaratını keçirmege devam ete


Noyabr 3 künü devamında Azov deñizi ve Keriç boğazı üzerinde üç defa Su-24 rusiyeli istihbarat uçaqları qayd etildi. Bunı bugün Kiyevde brifing devamında SNBO haber-analitik merkeziniñ matbuat kâtibi Andriy Lısenko bildirdi, – haber ete UNİAN.

«Nezaret etilgen rayonlarda ve sıñırda qanunsız silâlı teşkilâtlar tarafından ava istihbaratınıñ keçirüv hususiyetleri qayd etilmegen edi. Umumen, soñki afta devamında sıñır bekçileri 22 kere duşmanlarnıñ 25 BPLA qullanuvını qayd etildi. Kün devamında Rusiye silâlı quvetleriniñ üç Su-24 istihbarat uçağınıñ Azov ve Keriç boğazı tarafından qayd etilgen edi. Bundan da ğayrı, Rusiye Silâlı quvetleri tarafından İL-20 uçağınıñ Qara deñiz ve Zmeinıy adası yanında qullanuvı da belgilendi», – dedi Lısenko.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG