Link açıqlığı

Rusiye Federatsiyası prezidenti Qırımnıñ öz başına tayin etilgen baş naziri Sergey Aksönovnı Rusiye devlet bayramı – Halq birligi künü ile hayırladı.

Bunı Qırım «akimiyeti»niñ matbuat hızmeti bildirdi.

Putin öz hayırlavında «Rusiye daima halq birligi adetleri ile küçlü bir devlet» olğanını bildirdi.

Bunıñ ile Halq birligi künü ile Aksönovnı Rusiye baş naziri Dmitriy Medvedev hayırlap, «Rusiye eşqına işinde muvafaqiyet ve sağlıqnı» tiledi.

2005 senesi noyabr 4 kününden Rusiye Federatsiyasında devlet bayramı – Halq birligi künü qayd etile. Bu sebepten işğal etilgen Qırımda 4 raatlıq künü lân etilgendir. Noyabr 1-2 künlerinden ğayrı, 3-4 künleri de raatlıq künleri sayıla.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG