Link açıqlığı

Noyabr 8 künü saat 18:00 Kiyevde Master-klass medeniy merkezinde «Qırım Göñülde» qısqa metrajlı vesiqalı filmniñ numayışı ötkerilecek. Filmniñ süjeti – 2014 senesi mart ayındaki vaqialardan soñ evni terk etmege mecbur olğan qırımtatar resamnıñ tarihıdır.

Bunı Qırım.Aqiqatqa Krım.SOS teşkilâtında bildirdiler.

«Filmde ukrain çalğıcısı Fima Çupahin, Elvira Sarıhalil ve Zira Odessa taqımı tarafından yazılğan saundtrek qullanıla. Qırım baari, deñiz sefası, qırımtatar çölmekçilik sesleri – film Qırımnı is etmek sanaatına ögrete», – deyler teşkilâtta.

Programmada filmniñ numayışı ve muzakeresi ve qırımtatar çölmrkçilik ustası Rustem Skibinniñ sergisi olacaq.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG