İşğal etilgen Qırımda 2015 senesi ealiniñ mecburiy tibbiy sigortasına 16,2 milliard dollar ayıracaqlar. Bunı Qırım «akimiyeti»niñ matbuat hızmeti bildirdi.
«2015 senesi mecburiy tibbiy sigorta federal fondından 16,2 mlrd ruble ayırılacaq», – dep ayttı Qırım mecburiy tibbiy sigorta fondınıñ müdir vazifelerini eda etken Natalya Startseva.
Onıñ sözlerine köre, federal fondınıñ büceti aqqında qanun leyhası Rusiye Federatsiyasınıñ Devlet Duması tarafından oktâbr 24 künü birinci oquvda qabul etildi.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
