İşğal etilgen Qırımnıñ bir çoq mesken yerlerinde alâ daa qızdıruv meselesi çezilmedi. Novosti Krıma qayd etkeni kibi, «Nazirder şurası»na bu sebepten bir sıra şikâyetler kele eken.
Bunı qırım «Nazirler şurası» reisiniñ muavini Larisa Opanasük bildirdi.
«Qızdıruv sebebinden bir çoq insan telefon aça, Saq, Kezlev, Aqmescit, Yalta, Keriçten şikâyetler kele. Regionlarda dаirelerge qızdıruv kelmegenini aytıp, qızdıruvnı başlamağa rica eteler», – dedi Opanasük.
Evel bildirilgeni kibi, Qırım «Nazirler Şurası» qızdıruv mevsimini oktâbr 15 – aprel 15-ne qadar belgilegen edi.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
