Link açıqlığı

Moskvada tahminen qırq insan Rusiye akimiyetiniñ Ukraina şarqındaki vaziyeti sebebinden bir sıra Rusiye memurlarına, şirketlerine ve banklarına nisbeten kirsetilgen ğarbiy sankiyalarğa cevap olaraq mahsulatnıñ import yasaq etüvine qarşı narazılığını bildirdi.

Azatlıq Radiosı bergen malümatına köre, cumaertesi künü, insanlar noyabr 1-de, Puşkin meydanında yerleşken ve sanki tehnikiy sebeplerden qapatılğan «Makdonalds» yanında nevbetke tizildiler.

Şaatlardan birisi «Twitterde» yazğanı kibi, iştirakçilerniñ kelmesi ile birden restoranğa avtozaknı aydap ketirdiler. Politsiya hadimleri numayş evelden añlaşılmağan sürette teşkil etilgenini bildirip, er kesni meydannı terk etmege çağırdı. Sanki toplaşqanlar «vatandaşlarnıñ serbest yürüşine» keder eye ekenler. Aktsiya iştirakçileri divarğa tayandılar, neticede politsiya hadimleri numayışqa irişmediler.

2014 senesi avgust ayında Rusiye Ğarbiy sankiyalarğa cevap olaraq Avropa birligi ve AQŞdan mahsulatnıñ ketirüvini yasaqlağan soñra, Rospotrebnadzor «Makdonalds»larnıñ teşkerüvine başladı. Rusiye 10 –dan ziyade restoran işini toqtattı.

XS
SM
MD
LG