Link açıqlığı

İşğal etilgen Yaltada Qırımnıñ yalı boyunda qanunsız ticaretni bütünley yoq etecekler. Bunı şeer «memuriyet yolbaşçısı» vazifelerini eda etken Andrey Rostenko oktâbr 31-de operativ-hocalıq toplaşuvında bildirdi, – dep haber ete Qırımnıñ öz başına ilân etilgen ükümet ruporı Krıminform saytı.

Rostenkonıñ qayd etkenine köre, alış-veriş yalıñız onıñ içün belgilengen yerlerde olacaq, ve bütün talaplarğa riayet etilecek.

Onıñ aytqanına köre, şeer reberligi qanunsız ticaret noqtalarnıñ peyda olmasına sert bir şekilde cevap berecek.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG