Link açıqlığı

Saatnıñ esas haberi

Keriç keçitinde kene de ruzgâr bekleyler, yüzlernen maşina nevbette tura


Keriç keçitinde paromlarnıñ işi toqtatıla bile, dep bildireler. Yekâne naqliyat müdirliginiñ malümatına köre, oktâbr 31-de gece ruzgâr olması beklenile.

Nevbetçi bildirgenine köre, al-azırda «Kavkaz» limanında 90 maşina nevbetini bekley, «Qırım» limanında – 100 maşinağa yaqın. Yük yolunda da bekleyler: Novorossiysk limanında – tahminen 200 yük maşinası, Keriç balıq limanında – 300 yük maşinasından ziyadedir.

«Şimdi Keriç keçiti cedvelge köre çalışa. Lâkin ava malümatlarına köre, gece Keriç boğazında yel süratı saniyede 18-20 metrge qadar artması mümkün», – dep bildire Yekâne naqliyat müdirligi.

Bundan evel berilgen malümatqa köre, bozğun ava neticesinde yük maşinalarınıñ aydavcıları bir aftadan berli eski ava limanınıñ binasında kergin bir şaraitlerde qalmağa mecbur oldılar. Olar şeerge çıqıp, «Qırım» limanı yolunı qapatacaq ediler, lâkin yerli «politsiya» buña izin bermedi.

XS
SM
MD
LG