Link açıqlığı

Qırım «politsiya» hadimleri arbiy komissarlıqnıñ celpnamesini aldılar


Qırımda «politsiyanıñ» er bir hadimine arbiy komissarlıqqa celpname keldi.

Bu aqqında hadimlerden biri bildirdi, dep haber ete Tsentr jurnalistskih rassledovaniy.

Onıñ aytqanına köre, celpnamede bu «Arbiy borc ve arbiy hızmet aqqında» qanunğa köre esapqa aluv olğanı qayd etile, lâkin bir kimse bir şey añlatmay.

«Celpnamelerni berdiler, tibbiy teşkerüvden keçip, dekabrniñ 19-na qadar arbiy komissarlıqqa kelmek kerekligini ayttılar. Lâkin biz epimiz cedvelde bar edik, olarnıñ bundan haberi bardır», – dep ayttı Tsentrniñ subetdeşi.

Talaplarğa riayet etmegen politsiya hadimlerini Rusiye Federatsiyasınıñ qanunları boyunca mesülietke çekecekler.

Yazda Rusiye Federatsiyası vatandaşınıñ pasportını alğan erkeklerni yerli arbiy komissarlıqqa kelmege mecbur ettiler.

Mart 8-de «Qırım samooboronasınıñ» aman-aman 100 arbiyi Aqmescitteki Kiyevskaya soqağında yerleşken Cumhuriyetniñ arbiy komissarlığını zapt ettiler.

XS
SM
MD
LG