Qırım «Nazirler şurası» 2015 senesiniñ cumhuriyet büceti aqqında qanun leyhasını tasdıqladı – masraf ve kelirlerniñ umumiy miqdarı 62 885,5 mln rubleni teşkil ete. Vesiqa bugün «ükümet» toplaşuvında tasdıqlandı.
Leyhağa binaen, Qırımnıñ bergi ve bergi olmağan kelirler 15 824 mln rubleni teşkil etecek, federal bücetten berilgen bücetlerara yardım ise – 47 061 mln ruble. Böylece, federal bücet transferleri cumhuriyet bücetiniñ aman-aman 75% teşkil ete.
Şahsiy kelir 15% teşkil ete – 2 416 mln rub, Qırımnıñ teşkilât mal-mülku 14% teşkil ete – 2 200 mln rub. Teşkilâtlarnıñ kâr bergisi daa 9% ketirmeli – 1 412 mln rub.
Masraflar strukturasında tasil birinci yerde – 27,5%. Ondan soñra sağlıq saqlav – 20,7%, ve içtimaiy qoruv – 20%. 2015 senesi tasil içün 17,3 mlrd ruble belgilendi, 2015-2017 seneleri Qırım Cumhuriyetiniñ sağlıq saqlav saasınıñ devlet inkişaf programması içün – 8 392 mln ruble, ve daa tahminen 8 mlrd ruble – «sağlıq saqlav saasında diger tedbirler içün».
Cumhuriyet bücet müessiseleriniñ hadimler aylıqlarına 13,3 mlrd rub belgilendi, balalı qorantalarnıñ yardımına – 3,149 mlrd rub, yardımğa muhtac olğanlar içün içtimaiy maaş içün 2,16 mlrd rub belgilendi.
Kelecek sene yatırım masrafları 6 435,5 mln ruble seviyesinde planlaştırıla, olardan maşina yollarınıñ tamirine – 4 185,4 mln rub, esas fondlarnıñ yatırımları – 2 250 mln rub.
Bücet aqqında qanun leyhasını Qırımnıñ «Devlet şurası» yılnıñ soñuna qadar tasdıqlamaq kerek.
2014 senesiniñ Qırım büceti 20 961,8 mln rublelik masraflarnı belgilegen edi.
