Moskvadaki Serbskiy institutında psihologik ekspertiza keçirilmesi içün bulunğan uçucı Nadejda Savçenkonıñ bunıñ kibi vaziyetlerde keçirilecek teşkerüvler olmadı.
Bunı ukrain uçucısınıñ adliyecisi Nikolay Polozov «Gromadske TB» efirinde bildirdi.
Onıñ qayd etkenine köre, bu ekspertiza belgilense, mahkeme noyabr 11-ne belgilenecek edi, çünki teşkerüvler 10-na qadar devam etecek edi. Lâkin bugün ekspertiza onı sağlam olaraq tanığanı aqqında malümat peyda oldı, Savçenkonıñ özü ise bir de bir testler keçirilmegenini ayta.
Polozov ekspertiza meselesiniñ tez sürette bitmesini siyasiy sebeplernen bağlay.
Polozovnıñ aytqanına köre, Savçenko onıñ şimdiki deputat statusı onıñ azat etilmesinde kendi issesini qoşacağına ümüt besley.
Malüm olğanı kibi, ukrain uçucısı Nadejda Savçenko Donbassta arbiyler tarafından yaqalanıp, Rusiyege yollanıldı. Onı Lugansk civarında VGTRK jurnalistleriniñ ölümine alâqası bar olğanında qabaatladılar. İyül ayınıñ ortasından berli o, Voronej SİZOsında apiste buluna. Soñra Savçenkonı Voronejden Moskvağa avuştırdılar. Oña psihiatrik ekspertiza belgilendi.
