Link açıqlığı

«Sıñırsız filologiya» konferentsiyasını qırımtatar maarifçisi Gasprinskiyge bağışladılar


Cumaaqşamı künü, oktâbr 30-da, işğal etilgen Qırımda Vernadskiy adına Tavriya Milliy universitetiniñ qırımtatar ve şarq filologiyası fakultetinde «Sıñırsız filologiya» beşinci konferentsiyası olıp keçti.

Qırım.Aqiqat mühbiriniñ malümatına köre, tedbir qırımtatar maarifçisi İsmail Gasprinskiy ölüminiñ 100 yıllığına baışlandı.

Konferentsiyada «Milletlerara munasebetler boyunca devlet komitetiniñ» reisi Zaur Smirnov ve Qırım «Devlet şurasınıñ» spiker muavini Remzi İlyasov iştirak ettiler.

«Qırımtatar tilini devlet tili olaraq saqlap qalmaq ve inkişaf ettirmek içün ameliy adımlar kerek. Bunıñ kibi ameliy adım Qırımnıñ bütün regionlarında, er bir uzaq mektepte qırımtatar tilini ögretecek mütehassıslarnı azırlav olacaqtır», – dep qayd etti Zaur Smirnov.

Qırım.Aqiqat mühbiri bildire ki, qırımtatar ve şarqı filologiyası fakultetiniñ dekanı Ayder Memetov studentlerge fakultetniñ «temiz ilimnen» oğraşmaq imkânı peyda olğanını aydınlatqan eken.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG