Rusiyede işğal etilgen Qırımğa kelgen yabancılar içün 30 künlik «vizanı» bermege teklif ettiler. Bunı «Qırım işleri boyunca» nazir Oleg Savelyev Rusiye ükümetiniñ toplaşuvında yarımadada «serbest iqtisadiy zonanıñ» meydanğa ketirilmesi aqqında qanun leyhasını taqdim etip ayttı, – dep haber ete UNİAN.
Onıñ bildirgenine köre, Rusiye akimiyeti «serbest liman rejimini» kirsetmek istey.
Savelyevniñ malümatına köre, Qırımda «serbest iqtisadiy zona» meydanğa ketirilse, onıñ iştirakçileri olaraq Qırım içün eñ müim saalarda yatırım leyhalarnı amelge keçirgen yuridik şahıslar tanılacaq. İmtiyazlar tesir etecek yatırımlar içün de sıñırlar bar. Bu cermay ve gaz, em de toplam ve ayrı ticarettir, dep qoştı o.
Ükümet azaları Qırımda «serbest iqtisadiy zonanıñ» meydanğa ketirilmesi aqqında qanun leyhasına qol tutıp, onı Rusiye parlamentine yolladılar.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
