Link açıqlığı

«Halq birligi künü» Aqyarda yol areketini toqtatacaq


Salı künü, noyabr 4-te, Aqyarda yol areketi toqtatılacaq.

Bu aqqında Aqyar «ükümetiniñ» matbuat hızmeti bildire.

Suvorov ve Nahimov meydanları arasında yol areketi toqtatılacaq. Berilgen malümatqa köre, yol areketiniñ sıñırlanması «Halq birligi kününiñ» qayd etilmesinen bağlı.

Nañliyat areketini saat 8:30 saat 9:40 qadar sıñırlaycaqlar, saat 9:40 saat 11:30 qadar ise kolonnalarnıñ yürüşi olacaq vaqtında – yollar bütünley qapatılacaq.

Halq birligi künü – Rusiyeniñ devlet bayramıdır. Onı 2005 senesinden berli noyabr 4-te qayd eteler. Bu künni raatlıq künü olaraq ilân ettiler. Bu sene rusiyeliler noyabr 3-te de raatlanacaqlar, çünki bu künge 2014 senesi fevral 24-ten resmiy raatlıq keçirilgen edi.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG