Rusiyeniñ daa bir «gumanitar yükü» Lugansk ve Donetsk vilâyetlerinde separatistlerniñ nezareti altında olğan Rostov vilâyeti ile sıñırğa keldi.
Bunı Rusiye Fevqulâde vaziyetler nazirliginiñ kergin vaziyetler boyunca milliy idare merkeziniñ yolbaşçı muavini Oleg Voronov bildirdi.
«100 maşinalıq avtokolonna maniasız Rostov vilâyetine qadar kelip çıqtı», – dedi o.
TASS Rusiye haber agentliginiñ malümatına köre, Lugansk ve Donetsk vilâyetleriniñ sakinlerine biñlerce yük ketirile – qurucılıq malzemeleri, aşayt mahsulatı, ilâc ve qışqa azırlanmaq içün tehnikiy vastalar.
Rusiyeniñ bu «gumanitar yükü» dörtüncidir. Ukraina vekillerine yükni teşkermege bermeyler.
Rusiye Federatsiyası daa bir «gumanitar yük» aqqında Ukrainağa resmiy vesiqalar yollamadı. Bu aqqında oktâbr 28-de Ukraina tışqı işler nazirliginiñ spikeri Yegven Perebiynis bildirdi.
