Aqmescitniñ demir yol kassalarında qıtaiy Ukrainağa ketken trenlerniñ biletleri Rusiye pasportları boyunca satılmay, dep haber ete Krım.Kommentarii.
Neşirniñ malümatına köre, Aqmescitteki Tolstoy soqağında biletlerni evelden satqan kassalarda Rusiye pasportlarını qabul etmeyler, çünki sıñırda problemler ola bile eken.
«Pasport seriyası ve nomerası bilette qayd etile, sıñırda sizni teşkere bileler ve kirsetmey bileler. Anda Rusiye pasportlarını qabul etmeyler», – dep añlattı kassa hadimi.
Uquq qorçalayıcılar Ukraina grajdanları, şu cümleden qırımlılar, Qırım ile memuriy sıñırda rastkelgen problemler aqqında bir çoq kere bildirgen ediler.
«Almenda» Grajdanlıq maarifçiligi merkeziniñ reisi Olga Skripnikniñ qayd etkenine köre, Ukraina gümrük hızmeti Qırımda yaşağan Ukraina vatandaşlarına qarşı qanunsız areketler yapalar. Ekseriyette 18 ile 45 yaşına qadar erkeklerni sebepsiz trenden çıqarıp, Qırımğa keri qaytaralar.
Onıñ malümatına köre, Ukraina sıñırcıları bazı vaqıtları qıtaiy Ukrainağa kelmekniñ maqsadını aydınlatqan vesiqanı talap eteler.
