Link açıqlığı

Qırımda qırımtatarlarnı esir aluvğa qarşı küreşecek regional gruppalarnı meydanğa ketireler


Qırımda qırımtatarlar ve diger musulmanlarnıñ evlerinde keçirilgen qanunsız tintüvler, pasport rejimini bozuv neticesinde sürgünlik ve aq-uquqlarını bozuvlarğa qarşı regional Gruppalar meydanğa ketirile, dep bildire QHA.

Yarımada regionlarında işbu gruppalar bozuvlar aqqında malümatnı toplap, ğayıp olğan qırımtatarlarnıñ meselelerinen oğraşacaq «Nazirler şurasınıñ» kontakt gruppasına onı aydınlatacaqlar.

Kontakt gruppasınıñ azası, uquqçı Emil Kürbedinovnıñ malümatına köre, bu gruppalar daa da tez çalışmaq maqsadında meydanğa ketirile. Olarnı «Nazirler şurasınıñ» bölükleri olaraq adlandırmaq mümkün, dedi Emil Kürbedinov.

Hatırlatamız, Qırım «Nazirler şurasında» ğayıp olğan qırımtatarlarnıñ işlerinen oğraşqan kontakt gruppası meydanğa ketirildi. Kontakt gruppasınıñ bir toplaşuvı olıp keçti. Onıñ neticesinde ğayıp olğanlar boyunca işler Rusiyeniñ Qırımdaki Baş taqiqat idaresiniñ müim işler bölügine berildi.

Сentâbr 27-de, saat 19.00 Qarasuvbazar civarında Sarı-Su qasabasında belgisiz şahıslar eki genç qırımtatarını esir alıp, belgisiz bir yönelişke alıp kettiler.

Oktâbr 1-de Qırım «yolbaşçısı» Sergey Aksönov ğayıp olğan gençlerniñ ana-babalarınen körüşip, ğayıp olğanlarnı tapmaq içün kontakt gruppası meydanğa ketirilecek, dep bildirgen edi.

XS
SM
MD
LG