Rusiye Federal migratsion hızmetinde Qırımda migratsion vaziyetiniñ kerginleşüvini qayd eteler. TASS añlatqanı kibi, müessisede bunı işğal etilgen Qırımğa çetelden ve Ukraina şarqıdan kelgen vatandaşlarnıñ sayısınıñ arttıruvı ile bağlaylar.
Migratsion hızmetinde qayd etilgeni kibi, Qırımda Moldaviya, Ermenistan, Azerbeycan ve Orta Asiyadan iş migrantlarnıñ kelmesi belgilene eken.
«Al-azırda regionda migratsion vaziyetniñ kerginleşüvi qayd etile, bu al yarımadağa kirgen çetel vatandaşlarnıñ ve şarqiy Ukrainadan kelgen qaçaqlarğa bağlıdır. Moldaviya, Ermenistan, Azerbeycan, Orta Asiyadan iş migrantlarnıñ kelmesi de qayd etile. Bunıñ ile vatandaşlıqnıñ qabul etilmesi ile bağlı muracaatlarınıñ sayısı da ğayet arttı», – deyler müessisede.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
