Aqmescitte qızdıruv tertibatınıñ çalşımağanı sebebinden 20 ev ve bir mektepke qızdıruv kelmey, dep haber ete Krım Media.
«Raketnaya, 17, Larionova, 36, Bespalova, 154, Liza Çaykina, 38 adresleri boyunca yerleşken evler qızdıruv mevsiminiñ başlanuvından sıcaqsız qala. Qalğan 16 evde qızdıruvnı qasa sebebinden söndürdiler. Şimdi tamir işleri keçirilmekte», – dedi Mesken kommunal hocalığınıñ şeer idaresi başı Aleksandr Homâkov.
Onıñ malümatına köre, Aksаkov soqağında yerleşken №7 umumtasil mektebinde de qızdıruv yoqtır. Mektepte tamir işleri alıp barıla, balalar şimdi tatildeler.
Evel qayd etilgeni kibi, Kefede Primorskiy qasabası al-azırda qızdıruvsız qala.
