Link açıqlığı

Saba, oktâbr 29 künü, Keriç keçitiniñ yük ve yolcu yolağı furtuna havfından soñ kene işke başlay. Nevbette biñden ziyade maşina tura.

Bunı Yekâne naqliyat müdirliginiñ matbuat hızmeti bildire.

Oktâbr 29 künü, saat 10:00, «Kavkaz» limanında nevbetni 310 yengil maşina, «Qırım» limanında 50 maşina bekley edi. Novorossiysk limanında yük yolağında 310 maşina, Keriç balıq limanında – 460 yük maşinası tura.

Keçken kün devamında 8817 yolcu, 2256 maşina avuştırıldı.

Müessiseniñ malümatına köre, «Yeysk» ve «Kerçenskiy 2» paromları «Kavkaz» – «Keriç balıq deñiz limanı» marşrutı boyunca çalışa. «İonas», «Olimpiada», «Glükofilousa», «Nikolay Aksenenko» ve «Krım» paromları çalışa.

Müdirlikte qayd etilgeni kibi, oktâbr 29 künü, Keriç boğazı rayonında yel suratı 10 m/s yetti, ava şaraitleri eyidir.

Evel, keçitler oktâbr 23-den küçlü yel sebebinden qapalı edi.

XS
SM
MD
LG