Link açıqlığı

Qırımda Qıtaiy Ukraina tarafına yol alğan rus arbiy tehnikanı qayd ettiler


İşğal etilgen Qırımda yarımadanıñ şimaliy tarafına yol alğan BTR kolonanı qayd ettiler.

Şaatlar arbiy tehnika kolonasını videoğa çıqarıp, youtube ağına yüklediler.

Videoda Rusiye bayraqları ile kolona qıtaiy Ukraina tarafına yol alğanı körüne. Yigirmi BTR adiy maşinalar ile bir sırada kete edi.

Ukraina Milliy Havfsızlıq Hızmetiniñ malümatına köre, Rusiye orduları Qırım sıñırında ava istihbaratını pekittiler, em de Qırım şimaline qoşma arbiy quvetleriniñ kelmesi de qayd etile.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG