Ukraina prezidenti Petro Poroşenko Avropa Komissiyasınıñ prezidenti Joze-Manuel Barrozu ile telefon vastasınen subetleşti. Bunı devlet yolbaşçısınıñ matbuat hızmeti oktâbr 28-de bildirdi.
Subetdeşler Avropa Birliginiñ büyük maddiy yardımını muzakere ettiler. Avropa Komissiyasınıñ prezidenti büyük maddiy yardımnıñ birinci ve ekinci qısmından yılnıñ soñuna qadar 760 million yevro bermek ve üçünci qısım berilmesini muzakere etmek azırlığını aydınlattı.
Joze-Manuel Barrozu maliye kerçek ve Esap palatası aqqında qanun qabul etilmesiniñ müimligini qayd etti.
Prezidentler oktâbr 29-da Brüsselde keçirilecek gaz taşımaları boyunca Ukraina, Avropa Birligi ve Rusiye arasında üç taraflı muzakereler arfesinde energetik saadaki meselelerni muzakere ettiler.
Azatlıq Radiosınıñ malümatına köre, oktâbr 29-da Avropa Birligi-Ukraina-Rusiye formatında üç taraflı gaz muzakereleri ötkerilecek. Rusiye ve Ukraina tarafdarları gaz taşımaları boyunca añlaşma tize bileler.
Rusiye energetika naziri Aleksandr Novak Ukraina içün gaz fiyatı 385 dollar olacağını ayttı.
