Link açıqlığı

Qırımda şifalı Çoqraq gölü qurudı


İşğal etilgen Qırımda Keriç yarımadasında yerleşken Çoqraq gölü bütünley qurudı. Bunı Qırım «Nazirler şurasınıñ» toplaşuvında ekologiya ve tabiat resursları «naziri» Gennadiy Narayev bildirdi, dep haber ete «Kontekst Krım».

Onıñ aytqanına köre, unikal şifalı çamurlar «qurudı ve olarnıñ doğuv yerleri yoq olayata».

Onıñ qayd etkenine köre, Çoqraq gölüniñ vaziyeti aqqında mesele fevqulâde vaziyetler komissiyasınıñ toplaşuvında baqılmalı.

Keriç civarındaki Çoqraq gölü şifalı çamurlarnen meşurdır. Göl çamurları tayama-areket sisteması, asabiy sistema hastalıqlarınıñ tedaviylenmesinde qullanıla.

XS
SM
MD
LG