Link açıqlığı

İşğal etilgen Qırımda qırımtatar tilini ögrenüv kursları açılacaq. Bunıñ teşebbüsçileri «Qardaşlıq» cemaat teşkilâtı ve Qırım musulmanları Diniy idaresi oldılar. Bu aqqında «Qardaşlıq» teşkilâtınıñ reisi Asan Emirsaliyev Qırım.Aqiqat saytına bildirdi.

Onıñ aytqanına köre, işbu leyha qırımtatar tilini cemaat arasında daa ziyade rağbetleştirmek ve qırımlılarğa din ya da etnik mensüpligine baqmadan bilgi bermek içün amelge keçirile.

Şimdilik bir qaç yüz insan kurslarğa yazıldı. Programmada iştirak etmek içün teşkilât saytında qayd etilmek kerek.

Yıllar devamında Qırımnıñ aliy oquv yurtlarında çalışqan ocalar ders berecekler, – dep qayd eteler teşkilâtçılar.

Dersler aftada eki kere til seviyesine köre farqlı sınıflarda keçirilecek.

XS
SM
MD
LG