Link açıqlığı

Ukraina uçucısı Savçenkonı Rusiyede sıñırdan qanunsız alda keçüv içün mahkeme etecek olalar


Rusiyede ukrain uçucısı Nadejda Savçenkonı «sıñırdan qanunsız alda keçüv» içün mahkeme etmege isteyler. Bu aqqında onıñ adliyecisi Nikolay Polozov Twitterde yazdı, dep haber ete Azatlıq Radiosı.

Onıñ zanınca, Savçenkonıñ yañı işi – Rusiye akimiyetiniñ onıñ Ukraina Yuqarı Rada deputatı olaraq saylanmasına qarşı cevabıdır.

Bundan ğayrı, Rusiyede ATO tedbirlerinden öz isteginen iştirak etken ukrain uçucı-zabitini Ukrainada qanunsız alda bulunğan ve separatistlerniñ ukrain askerlerine qarşı yapqan areketlerini aydınlatqan Rusiye jurnalistleriniñ ölümine alâqası bar olğanında qabaatlaylar.

Separatistler Savçenkonı esir alıp, sıñırdan keçirdiler ve Rusiye askerlerine teslim ettiler. Adliyecilerniñ malümatına köre, o, rusiyelilerniñ ölüminden evel esir alındı ve buña alâqası olmaz.

Oktâbr 13-te ukrain uçucısını psihiatrik teşkerüv keçirilmesi içün Serbskiy adına İnstitutına alıp kettiler. Oktâbr 17-de uçucınıñ adliyecisi onı çekiştirip, sorğuğa çekkenlerini bildirdi.

Oktâbr 27-de mahkeme Savçenkonıñ apis müddetini 2015 senesi fevral 13-ne qadar arttırdı.

Oktâbr 26-da Ukrainada nevbetten tış parlament saylavları olıp keçti. Savçenko «Batkivşçina» firqasınıñ başındadır. MSK malümatına köre, bu siyasiy küç yañı parlament erkânına kire.

XS
SM
MD
LG