Qırımnıñ «Nazirler şurası» naqliyat vastalarınıñ tehnikiy teşkerüv fiyatını belgiledi. Böyle bir qarar Yaltadaki çıqış toplaşuvında qabul etildi.
Bu aqqında Qırım «ükümetiniñ» matbuat hızmeti bildire.
Vesiqağa binaen, yolcular taşıması ve aydavcı qoltuğından ğayrı yolcular içün sekizden ziyade olmağan yeri olğan M1 kategoriyalı naqliyat vastalarınıñ saipleri içün tehosmotr fiyatı 510 rubleni teşkil etecek, yolcular taşıması ve aydavcı qoltuğından ğayrı yolcular içün sekizden ziyade yeri olğan ve 5 tonnalıq taşıma içün belgilengen M2 kategoriyalı naqliyat vastalarınıñ saipleri 918 ruble ödeycekler, yolcular taşıması ve aydavcı qoltuğından ğayrı yolcular içün sekizden ziyade yeri olğan M3 kategoriyalı maşina saipleri 1105 ruble töleycekler.
N1-N3 kategoriyalı yük maşinaları içün tehnikiy teşkerüv fiyatı 544 başlap 1156 rubeleg qadar teşkil etmesi mümkün, O1-O4 kategoriyalı tirkemeler – 425 başlap 728 rublege qadar, L motonaqliyat vastaları – 170ruble, şeer topraqustü elektrik naqliyatı – 850 ruble.
Vesiqada qayd etile ki, tekrar keçirilgen tehnikiy teşkerüv fiyatı yapılğan işke bağlı olacaq.
«Ükümet» Qırımda tehnikiy teşkerüv keçirecek 24 teşkilât ve ayrı iş adamlarınıñ cedvelini belgiledi.
