Link açıqlığı

Soraştıruv: Putinniñ reytingi aqımdaki sene ilk sefer tüşti


Rusiye prezidenti Vladimir Putinniñ reytingi yılnıñ başından itibaren ilk sefer sekiz basamaqqa qadar tüşti. Bunı «Levada-tsentr» içtimaiyetçiler soraştıruvınıñ neticeleri köstere.

Avgust ayından, Rusiye lideriniñ reytingi eñ yüksek seviyege kelgende, cevap bergenlernini 57 fayızı prezident saylavlarında oña rey bermege azır edi, sentâbr ayında olarnıñ sayısı 49 fayızğa qadar eksildi. 2014 senesi yanvar ayında, Ukrainada akimiyet deñişmegenine qadar, Vladimir Putinniñ reytingi 29 fayızeı teşkil ete edi.

Ekspertlerniñ fikirince, reyting tüşmesi müsbet bir şey olması mümkün, bu cemaat arasında kerginlik eksilgenini ifadeley bile.

«Levada-tsentr» müdiriniñ muavini Aleksey Grajdankinniñ qayd etkenine köre, reyting ara-sıra deñişe bile, lâkin eki müddet devamında aynı olsa, reyting tüşmesi aqqında aytmağa sebep olacaq.

Devlet yolbaşçısınıñ matbuat kâtibi Dmitriy Peskov soraştıruv neticelerini izaatlap, Kremlde prezident reytinginiñ deñişmesini tabiiy bir al olaraq tanıylar ve buña ayrı bir diqqat ayırmağanlarını bildirdi.

XS
SM
MD
LG