Link açıqlığı

Saatnıñ esas haberi

Aksönov: Qırımda keçici müddet arttırılması mümkün


Qırımnıñ Rusiye qanunlarına alışuv müddeti arttırıla bile, dep ayttı Qırımnıñ «baş naziri» Sergey Aksönov Qırım «Cemaat palatasınıñ» azalarınen keçirilgen körüşüvde, dep haber ete Krım Media.

Onıñ aytqanına köre, buña azırlıq köreler.

«Bugünde-bugün nazirlik, şu cümleden bergi organları, prokuratura Rusiye Federatsiyasınıñ bazı qanunlarını yanvar 1-ne qadar yerine ketirmek imkânsız olğanını isbatlağan tezkerelerni qaldıralar. Şimdi bu iş alıp barıla», – dedi Aksönov.

Onıñ qayd etkenine köre, Qırım içün keçici müddetni qolaylaştırmaq içün başqa işler de yapıla.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG