Qırımda narazılıq meydanları iştirakçileriniñ faydasına topraq damartılarınıñ ayırılması boyunca bir taraflı qarar olmaycaq, dep ayttı Qırımnıñ öz başına ilân etilgen baş naziri Sergey Aksönov «Cemaat palatasınıñ» toplaşuvında.
Bu aqqında Qırım «ükümetiniñ» matbuat hızmeti.
«Samozahvat iştirakçileri topraq damartılarını alacaqlar degen qarar yoq, ve baqılmay bile. Samozahvatlarda olğan bütün inşaatlar yıqtıraılacaq. Olarnı resmiyleştirüv meselesi baqılmay bile», – dedi Aksönov.
O, kendi muavini Dmitriy Polonskiyge baş planlarnı azırlamaq, em de yardımğa muhtac olğan qırımlılarğa topraq damartılarınıñ ayırılması içün topraq belgilemek avalesi aqqında bildirdi.
Qırım «akimiyetiniñ» bildirgenine köre, yarımadada 59 öz başına zapt etilgen topraq damartıları 1452 gektarnı teşkil eteler. Olarnıñ çoqusı Sudaq rayonı, Aluşta, Yalta, Aqmescit ve Aqmescit rayonında yerleşe.
Bundan ğayrı, 2 ay içinde Qırımnıñ devlet qaydı ve kadastr boyunca «devlet komiteti» narazılıq meydanları, yani samozahvalar içün 17 memuriy protokol tizdi. İleride komitet öz başına zapt etilgen topraq damartılarını prokuratura ile beraber teşkerecek.
