Link açıqlığı

Oktâbr 27 künü tahminen saat 00:12 Rusiye matbuat vastaları tarafından «Samsun-Keriç yañı parom yolağı»nıñ taşıyıcısı olaraq tanıtılğan HITACHI türk paromı ilk sefer Samsundan Keriçke yolğa çıqtı.

«Çetel işler Maydanı» nezaret taqımınıñ bu kibi malümatını BSNews bildire.

Neşirniñ ekspertleri qayd etkeni kibi, Rusiye tarafından işğal etilgen Qırım yarımadasına kirgen gemi saipleri, kapitan ve eytler Ukraina Cinaiy Kodeksiniñ 332-1 maddesi boyunca cinayetni yapay ekenler. Bu madde «Ukrainanıñ vaqtınca işğal etilgen territoriyasında vatandaşlarnıñ aq ve serbestliginiñ ve uquqiy rejiminiñ teminlevi aqqında» Ukraina Qanunınıñ qabul etilmesi vaqtında Cinaiy Kodeksine kirsetildi.

Evel belli olğanı kibi, saba, oktâbr 23-de, Keriç balıq limanında Blue Way türk tanker-gazovozı tura edi. Bu gemi Keriçke daa oktâbr 9-da kelgen eken. Bundan da ğayrı, işbu tanker Keriçke iyül 5-8 künleri kirgen edi.

2014 senesi oktâbr 20 künü Ukrainada Türkiye Elçisi Yonet Can Tezel ayttı ki, türk ticariy gemileri Türkiye ve işğal etilgen Keriç arasında yürmey eken.

Umumen alğanda ise, Qırım işğali vaqtından «Çetel işler Maydanı» ve BlackSeaNews çeşit memleketlerden 117 qanunnı bozğan gemini qayd ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG