Qırım ermenlileri bu sene regional milliy-medeniy muhtariyetni teşkil etmek isteyler. Bunı Qırım ermeni cemaatçılığınıñ toplaşuvında reis Vagarşak Melkonân bildirdi, dep haber ete Krım Media.
Onıñ sözlerine köre, yarımadada ermenlilerniñ üç yerli şeer milliy-medeniy muhtariyeti bar eken, daa birisi qayd etilmekte. Olar işbu regional muhtariyetiniñ terkibine kirecekler.
Yañı birleşüvni Qırım ermeni cemaatçılığı temelinde quracaqlar. Melkonân qayd etkeni kibi, dekabr 13 künü teşkilâtnıñ toplaşuvı olacaq, mında namzetler muhtariyet ile bağlı bütün zaruriy suallerni muzakere etecekler.
Melkonân şunı da qayd etti ki, milliy-medeniy muhtariyet Qırım ermenlerine yañı imkânlarnı açacaq eken, çünki olarğa devlet maliyeviy destegi ayırılacaqtır.
