İşğal etilgen Keriçniñ Arşintsevo rayonınıñ sakinleri beşinci kün suv teminlevsiz yaşay. kerch.com keriç saytı haber etkenine köre, suvnıñ teminlevi dört kün evelsi toqtatıldı eken.
«Evlerinde ufaq balaları olğan qadınlar suvsız iç bir şey yapıp olamağanını bildirdiler, ne aş pişirmek, ne çamarış yuvmaq, ne balalarnı yuvdırmaq», – haber ete neşir.
Suv teminleviniñ toqtatuv sebebini kimse añlatıp olamay. Belli olğanı kibi, dört kün devamında işçiler qazağa ketirgen suv borularını öyle de tapıp olamadılar.
«Memuriyet başınıñ muavini Daniil Gerner añlatqanı kibi, işbu rayonda suv borularında basım ğayet eksildi eken. Faqat işçiler qaza yerini tapıp olamaylar», – qayd eteler neşirniñ jurnalistleri.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
