Oktâbr 28 künü Eski Qırım şeerinde, saat 12:00, Özbek Han camisinde onıñ tasviri ile mektüp pulunıñ mahsus tamğa ile qayd etilüv tedbiri keçirilecek.
Bunı Qırımtatar sanaat müzeyiniñ matbuat hızmeti bildirdi.
«Özbek Han camisiniñ 700 yıllığına bağışlanğan tedbirlerniñ çerçivesinde, KRU «Qırımtatar sanaat müzeyiniñ» teşebbüsi ile «Krımpoçta» tarafından Qırımnıñ bu tekrarlanmaz mimarcılıq abidesiniñ tasviri ile mektüp pulu çıqarıldı», – deyler müzeyde.
Toplanğanlar mahsus tamğa ile qayd etilgen mektüp pulunı satın ala bilecekler.
