Bu afta Qırımğa kirişi yasaqlanğan qırımtatar halqınıñ işleri boyunca vekâletli Mustafa Cemilevniñ adliyecisi Rusiye Federal migratsion hızmetine qarşı mahkeme davasını açacaq.
Bunı öz Twitter saifesinde adliyeci Mark Feygin bildirdi.
«Kiyevde Mustafa Cemilev ile körüştim. Daa bir kere er şeyni muzakere ettik ve bu afta men FMH-ne qarşı mahkeme davasını açacağım», – dep yazdı Feygin.
Halq deputatı, qırımtatar milliy yetekçisi Mustafa Cemilevge 2014 senesi aprel 22 künü 5 yılğa Qırım yarımadasına kirişini yasaqladılar.
