Link açıqlığı

İşğal etilgen Qırım sakinleri nevbetten tış parlament saylavlarında iştirak etmek içün Ukrainanıñ qıtaiy qısmına ayırım ve qıyın maliyeviy vaziyet sebebinden kelip olamadılar.

Bunı qırımtatar milliy Qurultayınıñ teftiş komissiya reisi Ali Оzenbaş bildirdi, dep haber ete Sotsialna kraїna.

Bu sene qıtaiy Ukrainağa saylavlarda rey bermek içün kelgen qırımlılarnıñ sayısı az olğanı aqqında jurnalistniñ sualine Оzenbaş şöyle dedi: «O vaqıt sıñırdan keçmege biraz qolayca edi. Şimdi ayırımlar başlandı. Bundan da ğayrı, Qırım sakinleriniñ maliyeviy vaziyeti kerginleşti. İnsanlarğa yaşamağa qıyın oldı, qıtağa bir qaç kere barmaq içün paraları yoqtır».

O şunı da bildirdi ki, qıtağa yol alğan bazı qırımlılarnı trenlerden indire ediler. Qırımtatarlarnıñ milliy yetekçisi Mustafa Cemilev aytqanı kibi, Ukrainada rey bermege istegen qırımlılar Rusiye toprağında «işançsız» insanlarnıñ cedveline kirsetilir eken.

Ukraina Yuqarı Şurasınıñ nevbetten tış parlament saylavlarında 12-15 biñ qırımlı iştirak etti. Bunı Cemilev oktâbr 26 künü «Blok Petra Poroşenko» firqasınıñ ştabında ötkerilgen brifing devamında bildirdi.

Milliy ekzit-pol bergen malümatına köre, Ukraina Yuqarı Şurasına 7 firqa keçe eken.

XS
SM
MD
LG