Link açıqlığı

SBU Qırım zaptında işğalcilerge yardım etken Aksönov ve Konstantinovğa nisbeten cinaiy işni açtı


Ukraina havfsızlıq Hızmetiniñ baş taqiqat idaresi Qırımnıñ öz başına tayin etilgen baş nazir Sergey Aksönov ve Qırımnıñ öz başına ilân etilgen Şurasınıñ spikeri Vladimir Konstantinovğa Ukraina cinaiy kodeksiniñ 109 ve 110 maddelerine köre – Ukraina topraq bütünligine zarar ketirüv – cinaiy işni açtı.

Bunı oktâbr 24 künü Ukraina havfsızlıq hızmetiniñ reisi Valentin Nalivayçenko Kiyevde brifing devamında bildirdi, – haber ete UNİAN.

«SBU separatizm, topraq bütünliginiñ bozuluvı ile bağlı cinaiy işlerni ciddiy şekilde taqiqat ete, şunıñ içün şimdilik mesülietke daa çekilmegen iç bir halq deputatı ileride öz qabaatından qaçıp olamaz, ümüt etem ki, eger de bu kibi deputatlar Yuqarı Şurağa ketecek olsa, biz toqunmazlıqnıñ lâğu etilmesini ve separatizm boyunca qabaat bildirilmesini talap etecekmiz», – dedi Nalivayçenko.

«Parlamentlerniñ teşkil etilmesine çağırğanlar, qanuniyetimizge köre, cinaiy mesülietni körmeli», – dedi o.

«Şimdi imunitetsiz olğanlar aqqında ayta bilem, oktâbr 21 künü Baş taqiqat idaremiz Aksönov, Konstantinov ve Ukrainanıñ topraq bütünliginiñ bozuluvına alâqası olğan diger şahıslarğa nisbeten cinaiy işlerni açtı», – dedi Nalivayçenko.

Evel qayd etilgeni kibi, Ukraina adliye naziri Pavlo Petrenko Adliye Nazirligi mütehassıslar ile Qırımda vatandaş aqlarınıñ bozuluvı boyunca bir sıra vesiqalarnı toplap, prokuraturağa bergeni aqqında bildirdi.

Öz nevbetinde, Ukraina halq deputatı Mustafa Cemilev Qırımda işğalci akimiyetiniñ cinaiy areketlerini ögrengen iş taqımınıñ faaliyeti neticesinde bayağı malümat olğanını bildirdi. Böyleliknen Baş prokuraturağa Qırımda insan aqlarınıñ bozuluvında qabaatlanğan 387 insannıñ adı berildi.

XS
SM
MD
LG