Link açıqlığı

Saatnıñ esas haberi

Matbuat vastaları: işğal etilgen Aqyar sakinleri Herson vilâyetinde bulunğan ukrain askerlerine yardım ete


Aqyarnıñ eki sakini matbuat vastalarında Strelkovoye köyü civarındaki Arabat strelkasında hızmet etken ukrain arbiy hızmetçileri aqqında malümatnı körip, territorial mudafaa batalyonınıñ askerlerine yardım etmege qarar aldılar, dep haber ete Novıy vizit haber portalı.

Qadınlar aqçanı toplap, Geniçeskte yaşağan tanışlarına berdiler. Olar internet vastası ile dört biñge 12 tüp urbanı satın aldı ve blok-postqa alıp kettiler, dep yaza neşir.

​Faaliyetçilerniñ aytqanı kibi, ukrain arbiyleri Aqyar sakinlerinden yardım körmekten ayrette qaldılar.

«Olar vatanperver qırımlılarğa minnetdarlığını bildirdi ve Qırım Ukrainağa qaytarılacağını aytmağa rica ettiler»,– yaza neşir.

Evel matbuat vastalarında o yerde hızmet etken ukrain askerleriniñ şaraitleri aqqında bir sıra maqaleler çıqtı ve em jurnalistlerni, em cemaat erbaplarnı ayrette qaldırdı.

XS
SM
MD
LG