Keriç keçitini şiddetli yel sebebinden qapattılar.
Bunı Yekâne naqliyat müdirliginiñ matbuat hızmeti bildirdi.
«Keçitlerni oktâbr 23 künü saat 22:00 şiddetli ruzgâr sebebinden qapattılar. Eki künge tahminler eyi degil, şunıñ içün aydavcılarğa yolğa çıqmamağa tevsiye etile», – deyler müdirlikte.
Müessiseniñ malümatına köre, oktâbr 24 künü saat 9:30 yel suratı 20 m/s yete. Qırım gidrometeomerkezinde bu kibi ava şaraitleri daa bir qaç kün devamında saqlanılacağını bildireler. Yarımadada ava araretiniñ 10-12 derecege tüşmesi beklenile.
Saba, oktâbr 24 künü, Novorossiysk paromında yük yönelişte 179 yük maşinası nevbette tura edi, Keriç balıq limanında – 240 yük maşinası. «Kavkaz» ve «Qırım» limanlarında 200 yengil maşina turmaqta. Keçken kün devamında 1297 yengil maşina ve 4339 yolcu avuştırıldı.
