Link açıqlığı

Qırımlınıñ evinde keçirilgen tintüvni Mustafa Cemilevniñ qarşılav tedbiri ile bağlaylar


Oktâbr 23 künü qırımtatarı Ernest Umerovnıñ evinde keçirilgen tintüvni maşnanıñ hırsızlanuvı ile bağlaylar, buña Ernestniñ babasınıñ alâqası bar eken. Amma özü ise bunı babasınıñ qırımtatar milliy lideri Mustafa Cemilevniñ Ermeni Bazarda qarşılav tebdirde iştirak etkeni ile bağlay.

Bunı o 15 minut saytına bildirdi.

Onıñ aytqanı kibi, tintüvni dört uquq qoruyıcı keçire edi.

«Saba saat 6:30 keldiler. Maski-şou kibi bir şey yoq edi. Mahkeme avalesini kösterdiler, anda tintüvniñ keçirilmesi aqqında qarar bar edi. 50 yaşında olğan babamnı Lanos maşnasınıñ hırsızlanuvında qabaatlaylar», – dedi Ernest Usmanov.

O şunı da qayd ete ki, uquq qoruyıcılar «hırsızlanğan maşinada olğan şeylerni» qıdıra ekenler. Neticede sanki vesiqalar olmağanı sebebinden mototsiklni alıp kettiler.

Usmanov tintüv onıñ babası mayıs 3 künü Ermeni Bazarda Mustafa Cemilevni qarşılamağa ketkeni ile bağlı olğanını tüşüne.

Qırımtatarlarnıñ evlerinde tintüv ve yaqalanuvlar devam ete. Çarşenbe künü, oktâbr 22-de, Eski Qırımda politsiya hadimleri Qurultaynıñ Merkeziy saylav komissiya reisi, qırımtatar faaliyetçi Zair Smedlâyevniñ qardaşını Tair Smedlâyevni yaqaladılar. Maşinasını politsiya hadimleri taqip ete edi, oña toqtatmağa emir ettiler, soñra ise blok etip, özlerini tanıttılar. Soñra onı Aqmescitte Franko caddesinde vaqtınca bulunuv izolâtorına ketirdiler.

Hatırlatamız, keçken afta Qurman qasabasında eki qırımtatarnı yaqaladılar. Olarnı qırımtatar milliy lideri Mustafa Cemilevni mayıs 3 künü Ermeni-Bazarda qarşılav tedbiri vaqtında uquq qorçalayıcı organlarnıñ hadimlerine zarar ketirgenine qabaatlaylar. İnsanlarnı Rusiyeniñ FSB SİZOsında tutalar.

2014 senesi martnıñ 16-nda Qırım ve Aqyarda yarımadanıñ statusınen bağlı referendum ötkerildi, onıñ neticelerine köre, Rusiye Qırımnı kendi terkibine kirsetti. Ukraina, Avropa birligi, AQŞ bu saylav neticelerni qabul etmediler, Rusiye Qırımnı işğal etti, dep sayalar.

XS
SM
MD
LG