Oktâbr 23-te saba Keriç deñiz balıq limanında Blue Way Türkiye tanker-gaz taşıyıcı buluna.
Bu aqqında BSNews neşiri «Maydan inostrannıh del» monitoring gruppasınıñ malümatına esaslanıp, bildire.
Monitoring neticelerine köre, gemi oktâbr 9-da Keriçke kelip çıqtı. Bundan ğayrı, bu tanker iyül 5-8 künleri Keriçke kirgen edi.
«Bir tankerniñ devamlı sürette bir limanda bulunması şübe doğura. Onı başqa saipke resmiyleştire bileler ya da hadimleri deñişe bile. Lkin bugünde-bugün gemi alâ daa saibi ve operatorınıñ saytında flot cedvelinde mevcut», – dep bildire neşir.
Oktâbr 20-de Ukrainada Türkiye elçisi Yonet Can Tezel bildirdi ki, Türkiye ticaret gemileri T.yurkiye ve işğal etilgen Qırım arasında yürmeyler.
Qırım işğali devamında «Maydan inostrannıh del» ve BlackSeaNews dünyanıñ farqlı memleketlerinden 117 gemi bozucını qayd ettiler.
2014 senesi mart 16-da Qırım ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne de Amerika Qoşma Ştatları işbu rey berüvni tanımadılar.
