Parijde UNESCO icra keñeşiniñ 195-inci sessiyası keçirile. Mında Ukraina eyyeti de iştirak ete. UNESCO reberligi ve icra keñeşiniñ devlet-azalarınıñ ayrı diqqatını Rusiye Federatsiyasınıñ Qırım işğalinden soñ yarımadada üküm sürgen vaziyetke celp ettiler.
Bu aqqında Ukraina Nazirler şurasınıñ saytı bildire.
Ukraina tışqı işler naziriniñ muavini, Ukraina eyyetiniñ yolbaşçısı Sergey Kislitsa UNESCO faaliyetine qol tutqanını bildirip, UNESCO leyhaları ve programmaları Ukraina içün ğayet müim olğanını qayd etti.
2014 senesi aprel ayında UNESCO icra şurası Rusiye tarafından işğal etilgen Qırımda arbiyler bulunmasınen qasevetlengenini ifadelegn rezolütsiyanı qabul etti. Oña binaen, işğal etilgen yarımadada bulunğan Rusiye askerleri Qırımnıñ medeniy mirası içün de telükeli olması mümkün.
