Link açıqlığı

Qırımda musulman qadınlarına İslâm uquqını ögretecekler


Oktâbr 29-da Aqmescitte qadınlar içün İslâm uquqlarınıñ kursları başlaycaq.

Bu aqqında Qırım musulmanları Diniy idaresiniñ matbuat hızmeti bildire.

«İşbu leyha qırımtatar, musulman cemaatı içün ğayet müimdir, çünki qadınlarğa diniy bilgi berecek, olar da kendi bala, torunlarını İslâm dinine köre terbiyeleycekler, böylecek, sağlam cemaatnıñ temeli olacaq», – aytıla beyanatta.

QMDİ malümatına köre, kurslar lektsiya-subet şeklinde keçirilecek. Tecribeli oca, psiholog Zeyneb Bariyev ders berecek.

Kurslar Kurçatova, 4 soqağında Kebir-Camide keçirilecek. Aftada bir kere çarşenbe künü subetler ötkerilecek. Dersler saat 17-de başlanacaq. Kurslar bedava olacaq, dep qayd ete QMDİ.

Hatırlatamız, Bağçasaraydaki Orta-Camide İslâm esasları ve Quran oquma kursları keçirile.

XS
SM
MD
LG