Link açıqlığı

Mustafa Cemilev: qırımtatarlarnıñ saylavlarda iştirak etüvi telüke ile bağlı


Yaqınlaşqan parlament saylavlarında rey berecek olğan qırımtatarlarnıñ sayısı eksildi, çünki bu telüke ile bağlı, – dep ayttı qırımtatar halqınıñ lideri, Ukraina prezidentiniñ qırımtatarlarnıñ işleri boyunca vekâletlisi Mustafa Cemilev Qırım.Aqiqat saytına.

Onıñ bildirgenine köre, işğal etilgen yarımada ve qıtaiy Ukraina sıñırından keçmek – ğayet zor ve devamlı bir şeydir. Qırımtatar faallerini ise Qırımğa keri kirsetmey bileler.

«Sıñırda eki saat bekleyceksiñ, tintüvge dayanacaqsıñ. Çıqmağa imkân berseler de, keri kirsetmey bileler. Prezident saylavlarından soñ vaziyet daa beter oldı, onıñ içün adamlar özüni telükege oğratmağa istemeyler», – dep añlattı Mustafa Cemilev Qırım.Aqiqat mühbirine.

Aynı vaqıtta, Mustafa Cemilevniñ aytqanına köre, buña baqmadan qırımtatarlar saylavlarda iştirak etecekler, amma bu sefer qıtaiy Ukrainağa gruppalarnen bir kimse ketmeycek.

Malüm olğanı kibi, bazar künü, oktâbr 26-da, Ukraina Yuqarı Radasınıñ saylavları ötkerilecek. Merkeziy saylav komissiyasınıñ malümatına köre, Qırımda qayd etilgen 3,5 biñ Ukraina vatandaşı saylavlarda rey berecek. Mayıs 25-te olıp keçken prezident saylavlarında iştirak etken işğal etilgen yarımada sakinleriniñ sayısı eki qat ziyade edi.

XS
SM
MD
LG