Link açıqlığı

Saatnıñ esas haberi

Ukraina parlament saylavları arfesinde «qış vaqtına» keçe


Oktâbr 26 künü saat 4:00 Ukraina «qış vaqtına» keçe, dep haber ete Nazirler kabinetiniñ matbuat hızmeti.

Nazirler kabinetiniñ qararına binayen, saatlerniñ aqrepleri bir saat artqa çevirilecek.

Ukraina territoriyasınıñ büyük bir qısmı UTC+2 saat quşağında buluna. Bunı Nazirler kabinetiniñ 1996 senesi mayıs 13 künü alınğan avalesi ile tasdiqlaylar. Oña köre, memlekette ekinci saat quşağı belgilene ve er yıl martnıñ soñki bazar kününde saat 3:00 aqrepler bir saat ögge ve oktâbrniñ soñki bazar künü saat 4:00 bir saat artqa çevirile.

2011 senesi Rusiye Federatsiyası qış vaqtına keçmekten vazgeçti, Ukrainada da böyle qarar alındı, amma küzde lâğu etildi.

Ukrainada nevbetten tış parlament saylavları oktâbr 26 künü keçirilcek.

XS
SM
MD
LG