Link açıqlığı

Saatnıñ esas haberi

Qırım «Devlet şurasına» ukrain ve qırımtatar serlevasını qaytaracaqlar – İlyasov


Yaqın zamanda Qırım «Devlet şurası» binasında qırımtatarca ve ukraince yazılğan serlevalar peyda olacaq.

Bunı 15 minut saytına «Devlet şurası» reisiniñ muavini Remzi İlyasov bildirdi.

«İç bir problem yoq, bu mesele endi çezildi», – dedi «spiker muavini».

2014 senesiniñ mart ayında qırım parlamenti binasından «Qırım Muhtar Cumhuriyetiniñ Yuqarı Şurası» rus yazısını «Qırım Cumhuriyetiniñ Devlet Şurası» yazısına deñiştirdiler. O vaqıt qırımtatar ve ukrain serlevalarnı da alıp taşladılar ve alâ daa yañartmadılar.

«Referendum»dan ve Qırımnıñ yañı «Anayasa»sınıñ qabul etilmesinden soñ ukrain ve qırımtatar tilleri rus tili ile bir sırada devlet tilleri olaraq sayıla.

2014 senesi martnıñ 16-nda Qırım ve Aqyarda yarımadanıñ statusınen bağlı referendum ötkerildi, onıñ neticelerine köre, Rusiye Qırımnı kendi terkibine kirsetti. Ukraina, Avropa birligi, AQŞ bu saylav neticelerni qabul etmediler, Rusiye Qırımnı işğal etti, dep sayalar.

XS
SM
MD
LG