Link açıqlığı

Öz başına tayin etilgen Donetsk halq cumhuriyeti bu afta Qırımğa kömürni ketirmege başlaycaq, dep bildirdi «DHC» yaqarlıq ve energetika «naziri» Aleksey Granovskiy, haber ete RİA Novosti.

«Qırım ile mütenasip añlaşmalar alındı. Baş nazir Aleksandr Zaharçenko qışnıñ yaqınlaşuvı sebebinden bu meseleni uzatmayıp, aftanıñ soñuna qadar Qırımğa kömürni yollamağa avale etti», – dep bildire Granovskiyniñ sözlerini Rusiye agentligi.

Bunıñ ile kömürniñ miqdar ve fiyatını belgilemedi.

Oktâbr 21 künü Qırımnıñ yaqarlıq ve energetika «naziri» Sergey Yegorov Qırım «ükümeti»niñ toplaşuvında Qırım «başınıñ» avalesinen «DHC» ile kömürniñ ketirilüvi boyunca muzakerelerniñ ötkerilmesini bildirdi.

XS
SM
MD
LG