Qırımnıñ matbuat vastalarına mütehassıslar kerektir, bunı Pervıy Krımskiy telekanalında «baş nazir muavini» – Qırımnıñ içki siyaset, haber ve alâqa «naziri» Dmitriy Polonskiy bildirdi.
Bunı Qırım «akimiyetiniñ» matbuat hızmeti bildire.
«Matbuat vastalarnıñ inkişafında bizge Cumhuriyetiniñ bütün devlet tillerinde keyfiyetli mahsulatnı işlep çıqarmağa becermegen mütehassıslar keder eteler», – dedi Polonskiy.
Onıñ fikrine köre, şimdi Qırımda jurnalistlerniñ alğan tasil seviyesi ile ciddiy bir mesele bardır.
Qırımnıñ işğalinden soñ mütehassıslar yarımadadan jurnalistlerniñ kütleviy sürette ketkenini qayd eteler.
2014 senesi martnıñ 16-nda Qırım ve Aqyarda yarımadanıñ statusınen bağlı referendum ötkerildi, onıñ neticelerine köre, Rusiye Qırımnı kendi terkibine kirsetti. Ukraina, Avropa birligi, AQŞ bu saylav neticelerni qabul etmediler, Rusiye Qırımnı işğal etti, dep sayalar.
